नेपालगञ्ज : बाँकेको डुडुवा गाउँपालिकाबाट ठुलो परिमाणमा सालको अवैध काठ बरामद भएको छ । ईलाका प्रहरी कार्यालय हिर्मिनीया र सशस्त्र प्रहरीको कालाबन्जर बिओपीको संयुक्त टोलीले डुडुवा ६ बेहननपुर्वामा खेतमा परालले छोपेर राखिएको अवस्थामा ११६ क्यु फिट सालको अवैध काठ बरामद गरेको हो ।
अवैधरुपमा चोरी तस्करीका लागि तयारी अवस्थामा राखिएका ११ गोलिया सालको काठलाई सामुदायिक बन र जिल्ला बन कार्यालयको जिम्मा लगाइएको छ । सालको काठ तस्करीका लागि लगिदै छ भन्ने बिशेष सूचनाका आधारमा गएको ईलाका प्रहरी हिरमिनियाका प्रमुख प्रहरी नायब निरीक्षक नदिराम खड्का र कालाबन्जर बिओपीका सशस्त्र प्रहरी सहायक निरीक्षक लिलाराम रोकाको संयुक्त टोलीले शुक्रवार राती १२ बजे उक्त काठ बरामद गरेको हो ।
