नेपालगञ्ज : बाँके प्रशासनले घरमै होली मनाउन आग्रह गरेको छ । भारतमा दोस्रो लहरको कोरोना भाइरस तीब्ररुपले फैलिरहेको तथा नेपालगञ्ज जमुनाहा नाकामा समेत भारतको गुजरातबाट आएका एक ब्यक्तिमा कोरोना देखिएको भन्दै उच्च सतर्कता अपनाउन आग्रह गरिएको छ ।
प्रमुख जिल्ला अधिकारी रामबहादुर कुरुम्बाङले शनिवार सूचना जारी गर्दै सार्वजनिक स्थानमा भिडभाड नगरी आ–आफ्नो घरमा मर्यादितरुपमा होली मनाउन आग्रह गरेका छन् ।
जनस्वास्थ्यका मापदण्ड पालना नगर्ने तथा होली पर्व मनाउन सार्वजनिक स्थानमा जम्मा भई भिडभाड गर्नेलाई संक्रामक रोग ऐन २०२० बमोजिम कारवाही हुने सूचनामा उल्लेख छ ।
