सदरलाइनडटकम,
नेपालगञ्ज : अन्तराष्ट्रिय कण्डम दिवस–२०२० को अवसर पारेर स्वास्थ्य कार्यालय बाँके, भेरी अस्पताल र एएचएफ नेपालको आयोजनामा नेपालगञ्ज क्षेत्रका होटल तथा रेष्टुरेन्ट व्यावसायी र त्यसमा कार्यरत कर्मचारीलाई एचआईची एड्स तथा यौनरोगका बारेमा अनुशिक्षण गरिएको छ ।
बाँके होटल तथा रेष्टुरेन्ट व्यावसायी संघको समन्वयमा आयोजना गरिएको सो कार्यक्रममा भेरी अस्पतालका डा. संकेत रिसालले एचआईभी एड्स र यौनरोग रोकथामका बारेमा भए गरेका अभ्यासहरुको बारेमा सहजिकरण गरेका थिए ।
कार्यक्रममा स्वास्थ्य कार्यालय बाँकेका भानुज्योती ओली, भेरी अस्पतालका सञ्जयकुमार पौडेल र एएचएफ नेपालका रबिन्द्र सिंह राठौरले सहजिकरण गरेका थिए ।
कार्यक्रममा नेपालगञ्ज क्षेत्रमा रहेका होटल रेष्टुरेन्टमा आउने पाहुनहरुलाई यौनरोग तथा एचआईभी एड्सबाट बच्न र कण्डमको प्रयोगको बारेमा जनचेतना पुराउन होटल तथा रेष्टुरेन्ट सञ्चालकले पनि पहल गर्नु पर्ने सुझाव दिईएको थियो ।
होटल तथा रेष्टुरेन्ट व्यावसायीलाई कण्डम बारे अनुशिक्षण
२९ माघ २०७६, बुधबार ०९:१९
