कोहलपुर (बाँके) : कोहलपुरको तेह्र विगाह खेलमैदानमा जारी मुख्यमन्त्री कप गोल्डकप फुटवल प्रतियोगिता अन्तरगतको आज मंगलबार भएको अफ्रिकन घाना र काँक्रेबिहार फुटबल क्लव सुर्खेतबीचको खेलमा काँक्रेबिहार फुटवल क्लव सुर्खेत पेनाल्टी सुटआउटका आधारमा विजय भएको छ ।
पहिलो हापको खेल प्रतिश्पर्दात्मक भएपनि कुनै पनि टिमका तर्फबाट गरिएको प्रयास गोलमा परिणत हुन सकेको थिएन । दोस्रो हापको ५१ औ मिनेटमा काँक्रेबिहार फुटबल क्लव सुर्खेतका धनसिंह विकले पहिलो गोल गरेर १–० गोलको अन्तरले अघि बढाएको भएपनि खेलको५७ औ मिनेटमा अफ्रिकन घानाका युसुफ मलिक बम्देलले गरेको गोलले खेललाई रोमाञ्च १–१ मा पुराएको थियो ।
खेलको ७९ औ मिनेटमा घानाका जर्सी नं ८ का अकेन्टो ओपेमी पवेले गो गरी खेल २–१ मा पुराएको भए पनि धेरै समय टिक्न सकने त्यसलाई काँक्रे बिहार सुर्खेतका जसी नं. ५ का गनेश पुलामीले ८४ औ मिनेटमा गोल गरी बराबरीमा पुराएका थिए ।
निर्धारित समयको खेलमा नतिजा आउन नसकेपछि पेनाल्टी सुटआउटमा घानालाई ५–४ ले पछि पार्दै काँक्रेबिहार सुर्खेतले जीत निकालेको हो ।
