कोहलपुर (बाँके) : बाँकेमा जन्ती बस दुर्घटना हुँदा १३ जना घाइते भएका छन् । सुर्खेतबाट जन्ती लिएर बर्दियातर्फ जाँदै गरेको भे १ ख २०१७ नम्बरको बस शुक्रवार राती साढे १० बजे बाँकेको बैजनाथ गाउँपालिका वडा नम्बर २ नौवस्ताको डिगियामा दुर्घटनामा परेको प्रहरीले जनाएको छ ।
घाइतेहरुको नेपालगञ्ज मेडिकल मेडिकल कलेज शिक्षण अस्पताल कोहलपुरमा उपचार भइरहेको इलाका प्रहरी कार्यालय कोहलपुरका प्रमुख प्रहरी नायव उपरीक्षक कुलदिप चन्दले जानकारी दिए । दुर्घटनाको कारण खुल्न सकेको छैन ।
