सदरलाइनडटकम,
काठमाडौं : शिक्षण पेशा गर्नेको लागि आवश्यक पर्ने शिक्षण लाईसेन्सको लामो समयदेखि रोकिएको विज्ञापन शिक्षक सेवा आयोगले खोलेको छ । शिक्षक लाइन्सेन्सको लागि आयोगले माध्यमिक तहको तीन, निमाविको एक र प्राविको एक गरी विभिन्न पाँच किसिमको विज्ञापन निकालेको हो ।
आयोगका प्रशाशकीय प्रमुख डा. तुलसी थपलियाले यस पटक बिषयगत आधारममा शिक्षक लाइसेन्सको बिज्ञापन खुलाएको जानकारी दिए । उनले अनलाइनबाटै फारम भर्न सकिने व्यवस्था मिलाएको पनि बताए ।
प्रावि र निमाविमा तालिम प्राप्त हुनु पर्ने तर माविको हकमा तालिम नलिएकाले पनि लाईसेन्सको परीक्षामा सहभागी हुन पाउने आयोगले जनाएको छ ।
आयोगक प्रशासकीय प्रमुख थपलियाले शिक्षक अभाव हटाउन मावि तहका निश्चित विषयमा शिक्षक हुन चाहने विद्यार्थीलाई तालिम नभए पनि हुने व्यवस्था गरिएको बताए । असार २२ गतेसम्म फारम भर्न सकिने समय तोकिएको छ । तर दोब्बर दस्तुर तिरी असार २९ गतेसम्म फाराम भर्न सकिने आयोगले जनाएको छ ।
