धनगढी : कैलालीमा बाघको आक्रमणबाट एक जना घाइते भएका छन् । टीकापुर नगरपालिका वडा नम्बर ८ श्रीलंकाका पवन आउजीलाई बाघले आक्रमण गरेको हो । २७ वर्षीय पवनलाई शुक्रबार बिहान बाघले आक्रमण गरेको स्थानीयले बताएका छन् ।
गहुँ बारीमा उनलाई बाघले आक्रमण गरेको स्थानीयले बताए । उनको हात र कानमा चोट लागेको छ । स्थानीयले हो–हल्ला गरेपछि बाघ भागेको थियो । नेपाल–भारत सीमा क्षेत्रमा बाघ देखिएको टीकापुर प्रहरीले बताएको छ ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
घाइतेको उपचारका लागि बर्दिया राजापुर पठाएको छ । सो क्षेत्रमा बाघले युवकलाई आक्रमण गरेकाले सतर्क रहन प्रहरीले आग्रह गरेको छ ।