सदरलाइनडटकम 
१० चैत, नेपालगन्ज : सेभ द चिल्डे«नको सहयोगमा सामाजिक विकास मन्चले युवा सशक्तिकरण ‘बुलगारी परियोजना’ अन्र्तगत ३१ जना युवायुवतीहरुका लागि लघु उद्यम विकास तालिम दिएको छ । सानो लगानीमा व्यवसाय गरी स्वरोजगार बन्ने उदेश्यले बुलगारी परियोजना अन्र्तगत ती युवा युवतीलाई तालिम दिइएको हो ।
२०१८ मा पहिलो चरण अन्र्तगत उनीहरुलाई ५ दिने तालिम दिइएको हो । सो तालिमको शुक्रबार नेपालगन्जमा एक कार्यक्रमको आयोजना गरी समापन गरियो । समापन कार्यक्रममा बोल्दै सेभ द चिल्डे«नका क्षेत्रीय निर्देशक बिरेन्द्र ठगुन्नाले सीप सिकेर कुनै पनि व्यापार, व्यवसाय गर्दा सफल भइने यथार्थ कुरालाई सबैले मनन गर्नुपर्नेमा जोड दिए ।
उनले तालिम लिएका सबैलाई कुनै न कुनैरुपमा व्यवसायमा आवद्ध हुन आग्रह गरे । ठगुन्नाले मेहेनत गरेर व्यवसायमा आवद्ध हुन सुझाव दिए ।
कार्यक्रममा बोल्दै व्यवसायीक सिप बिकास तालिम केन्द्रका प्रमुख जेन्टिल गौतमले बेरोजगारीको समस्या देशले झेलिरहेका बेला सीपको आवश्यक खट्किएको बताए । उनले सीप सिकेर व्यवसायमा आवद्ध हुन आग्रह गरे ।
कार्यक्रममा बोल्दै युवा समितिको कार्याललय बांकेका प्रमुख रामसुरेश यादवले तालिममा सिकेका कुरा व्यवहारमा लागु गर्न आग्रह गरे । कार्यक्रममा सामाजिक बिकास मन्चका अध्यक्ष बिष्णु ढकालले सिपसंगै व्यवसाय गर्नेहरुलाई ऋणको समेत सहयोगको व्यवस्था गरिने भएकाले तालिमलाई अधिकतम् फाईदाका रुपमा उपयोग गर्न आग्रह गरे ।
उनले भने,–‘तालिममा सिकेका कुराहरु व्यवहारमा लागु गर्नुहोस् । त्यसै नबस्नुहोस् ।’ ढकालले अनुगमनलाई समेत प्रभावकारी बनाउने बताए ।
कार्यक्रममा सहभागि भएकी भिमकला पाण्डेले तालिममा व्यवसाय कसरी गर्ने भन्ने कुरा सिकेको बताईन । अब व्यवसाय गर्न आफुलाई सहज हुने पनि बताए । परियोजनाका भुपालसिंह बोहराले तालिम लिएका मध्ये कोही आफै स्वरोजगार बन्ने भने कोहीलाई अझै ठुलो तालिमको अवसर दिइने बताए ।
युवा युवतीलाई लघु उद्यम तालिम प्रदान
१० चैत्र २०७४, शनिबार ०८:५३
