बर्दिया : खोरेत रोगविरुद्ध बर्दियामा चालु आर्थिक वर्षमा ६२ हजार घरपालुवा जनावरलाई खोप लगाइएको छ । यस चालु आर्थिक वर्षमा अहिलेसम्म खोरेत रोगबाट घरपालुवा जनावरलाई रोग नलागेको एकीकृत तथा पशुपक्षी विकास कार्यालय, बर्दियाले जनाएको छ ।
एकीकृत तथा पशुपक्षी विकास कार्यालय, बर्दियाको बिहीबार गुलरियामा खोरेत रोग सचेतना तथा नियन्त्रणका लागि सरोकारवालासँग गाई, भैंसी फर्म, भ्याक्सिनेट लगायत खोप कार्यकर्तासँग अन्तरक्रिया कार्यक्रम सम्पन्न भएको छ । उक्त कार्यक्रममा पशु चिकित्सक अनिल शर्माले ६२ हजार ७ सय घरपालुवा जनावरलाई खोप लगाएको बताए । यो रोग घरपालुवा बाहेक वन्यजन्तुलाई लाग्ने गरेको छ ।
