नेपालगञ्ज : कोहलपुर नगरपालिका वादी समुदायले ज्ञापनपत्र बुझाएका छन् । बाँके क्षेत्र नं.१ प्रदेश १ को २ का लुम्बिनी प्रदेश माननीय दुर्गाप्रसाद चौधरीलाई जनता आवास कार्यक्रम समावेश गरिदिनका लागि वादी समुदाय अध्यक्ष टिका वादी लगाएतको टोलीले ज्ञापन पत्र बुझाएका हुन् । कोहलपुर वडा नं.११ स्थित लोकनगरमा वादी समुदायले उक्त ज्ञापनपत्र बुझाएका हुन् ।
कोहलपुर नगरपालिका भित्र मात्र वादी समुदायका १ सय २ घर परिवार रहेका छन। ज्ञापन पत्र बुझाउदै अध्यक्ष टिका वादीले प्रदेश स्तरमा पहिलो प्राथमिकतामा उक्त कार्यक्रम समावेश गरिदिन आग्रह समेत गरिन् ।
ज्ञापनपत्र बुझ्दै पूर्व मन्त्री तथा सांसद चौधरीले जनताका आधारभूत आवश्यकताहरुमा आफ्नो ध्यान केन्द्रित हुने विश्वास दिलाए । उनले प्रदेश स्तरमा यस विषयमा पहिलो प्राथमिकताका साथ आफ्नो ध्यान केन्द्रित हुने समेत बताए ।
त्यसै गरी सांसद चौधरीले हाल वादी समुदायको भोग्नु परेको समस्याहरु बारे अन्तरक्रिया समेत गरेका छन् ।
