नेपालगञ्ज : बाँकेको जानकी गाउँपालिकाका विद्यालयहरु पनि बिहीवारदेखि बन्द भएका छन् । चिसो अत्याधिक बढेपछि गाउँपालिकाका सम्पूर्ण सामुदायिक, निजी र मदरसाहरुमा दुई दिन विदा दिइएको गाउँपालिकाले जनाएको छ ।
शिक्षा अधिकृत कृष्णाकुमारी भण्डारीले चिसोका कारण विद्यार्थीहरुमा आउन सक्ने स्वास्थ्य समस्या र पठनपाठन प्रक्रियामा असहज वातावरण सिर्जना भएकाले पुस २१ र २२ गते विद्यालयहरु बन्द गरिएको बताइन् ।
