नुनको सही प्रयोगबारे नेपालगञ्जमा अभ्यास

सदरलाइनडटकम,
नेपालगञ्ज : नेपालगञ्जको चिडिमार बस्तीमा नुनको सही प्रयोगबारे प्रयोगात्मक अभ्यास गराइएको छ । वडा नं. १२ स्थित उक्त बस्तीमा शनिवार भेरी नर्सिंङ्ग कलेजका छात्रा बिद्यार्थीहरुले स्थानीयलाई नुनको प्रयोगबारे प्रयोगात्मक अभ्यास गराएका हुन् ।
नेपाल साल्ट टे«डिङ्ग कर्पोरेशन नेपालगञ्ज र नेपालगञ्ज उपमहानगरपालिका स्वास्थ्य शाखाको आयोजना गरिएको कार्यक्रममा कलेजका छात्राहरुले प्रयोगात्मक अभ्यास गरेर आयोडिन नुनको सही प्रयोग र महत्वबारे जानकारी गराएका हुन् ।
दुई बालबालिका चिन्ह भएको आयोडिन नुनको मात्र प्रयोग गरौं, आयोडिनको कमिबाट हुने शारीरिक तथा मानसिक कमजोरीबाट जोगिऔं भन्ने नाराका साथ फेब्रुअरी–२०२०, आयोडिन महिनाका रुपमा मनाइने क्रममा जनचेतनामुलक कार्यक्रम गरिएको नेपालगञ्ज उपमहानर स्वास्थ्य शाखाले जनाएको छ ।
अभ्यास अघि नेपालगञ्जमा र्यालीसमेत निकालिएको थियो । चिडिमार नेपालमा लोपोन्मुख तथा पछाडी परेको जातिको रुपमा रहेको छ ।