सदरलाइनडटकम,
दाङ : क्विक्स कप अन्तर बिद्यालयस्तरीय राष्ट्रिय फुटबल प्रतियोगिता २०७६ मा भाग लिन गोरखा माबि तुलसिपुरको खेलाडी टोली काठमाण्डौ प्रस्थान गरेको छ । काठमाण्डौमा मंसिर ८ गतेबाट एन्फा कम्पलेक्स काठमाण्डौमा शुरु हुने प्रतियोगितामा भाग लिन सुरेश भण्डारीको नेतृत्वमा टिम व्यवस्थापक मोहन सुनार, टिम कोच दुर्गा राजलवटलगायतको २० सदस्यीय खेलाडी टोली शनिवार त्यस तर्फ प्रस्थान गरेको हो ।
टोलीलाई दाङ जिल्ला फुटबल संघका अध्यक्ष सुशिल श्रेष्ठ, वरिष्ठ उपाध्यक्ष भानु बिक्रम राणा, प्रधानाध्यापक बिजय जिएम, बिद्यालय ब्यबस्थापन समितिका उपाध्यक्ष डोर बहादुर जिसीलगायतले संयुक्तरुपमा माला तथा टिका लगाएर विदाई गरेको बिद्यालयले जनाएको छ ।
प्रदेश नं ५ को प्रतिनिधित्व गरेर राष्ट्रीय प्रतियोगितामा सशक्त र शानदार प्रदर्शन गर्ने लक्ष्य लिएको खेलाडी टोलीले आफ्नो पहिलो खेलमा ओण्डर ल्याण्ड टिमसंग कडा प्रतिस्पर्धा गर्नेछ । सोमवार मध्यान्हदेखि शुरु हुने खेल १९ गतेसम्म सञ्चालन हुनेछ भने प्रतियोगितामा ७ प्रदेश का १६ टिमको सहभागिता रहनेछ ।
क्विक्स कप खेल्न टोली काठमाण्डौ प्रस्थान
७ मंसिर २०७६, शनिबार १४:५८
