सदरलाइनडटकम,
कपिलबस्तु : बीबीएस चौथो वर्षको परीक्षामा ५ नं. प्रदेशकी सर्वोत्कृष्ट छात्रा सालिनी पाण्डेको सम्मान गरिएको छ । कपिलबस्तु बहुमुखी क्याम्पस तौलिहवामा अध्ययनरत छात्रा पाण्डेको सम्मान गरिएको हो ।
७८ दशमलव २० प्रतिशत अंक ल्याएर प्रदेशमै सर्वोत्कृष्ट भएकी उनलाई सम्मानस्वरुप अबीर लगाई खादा ओढाउनुका साथै तौलिहवा बजारको परिक्रमा गराइएको थियो । कार्यक्रममा पाडेयसँगै राम्रो नतीजा ल्याउने अन्य विद्यार्थीहरुको समेत सम्मान गरिएको थियो ।
विद्यार्थीहरुले मिहिनेत र लगनशिलताले उत्कृष्ट नतीजा ल्याउन सफल भएको क्याम्पस प्रमुख नवराज तिवारीले बताए । अन्य प्रदेशको तुलनामा कपिलबस्तु बहुमुखी क्याम्पसको नतिजा उत्कृष्ट रहेको भन्दै तिवारीले आगामी वर्षमा योभन्दा राम्रो नतीजा आउने दावी गरे ।
कपिलवस्तु नगरपालिकाका वडाध्यक्षद्वय सुदिप पौडेल र प्रकाश गैरेले प्रदेशकै नाम उच्च राख्न सफल छात्रा पाण्डेय तथा अन्य विद्यार्थीहरुलाई बधाईका साथै शुभकामना दिए ।
बीबीएसकी सर्वोत्कृष्ट छात्रा सम्मानित
१९ भाद्र २०७५, मंगलवार १७:२५
