नेपालगञ्ज : मानव अधिकार संरक्षणका लागि राष्ट्रिय मानव अधिकार आयोग सधैँ चनाखो र सक्रिय हुनुपर्ने यहाँ आयोजित एक कार्यक्रमका सहभागिले सुझाव दिएका छन् ।
राष्ट्रिय मानव अधिकार आयोगको २६औँ वार्षिकोत्सवका अवसरमा बुधबार नेपालगञ्जमा आयोजित शुभकामना आदानप्रदान कार्यक्रमका सहभागिले सो सुझाव दिएका हुन ।
सो कार्याक्रमका वक्ताहरुले राष्ट्रिय मानव आधिकार आयोगले गतभदौ २३ र २४ गते भएको घटनासम्बन्धी अध्ययन प्रतिवेदन सार्वजनिक गर्नुपर्ने उल्लेख गर्दै मानव आधिकार उलंघनका घटनाहरुमा आयोगले चनाखो भएर काम गर्नु पर्न सुझाव दिएका छन् ।
आयोगका नेपालगञ्ज कार्यालय प्रमुख द्वारिका अधिकारीको अध्यक्षतमा सम्पन्न कार्यक्रममा जिल्ला समन्वय समिति बाँकेका संयोजक ज्ञानेन्द्र चौधरी, बाँकेका प्रमुख जिल्ला अधिकारी दिलकुमार तामाङ्ग, प्रहरी प्रमुख अंगुर जिसि, लगायतले राष्ट्रिय मानव आधिकार आयोगले जनताको अधिकार सुनिश्चित गर्ने कुरामा जोडदिन सुभाव दिएका थिए ।
आयोगका नेपालगञ्ज कार्यालयमा द्वन्द्वकालिन उजुरी ४ सय वटा बाँकी रहेको र चालु आर्थिक वर्षमा ३४ वटा उजुरी परेको नेपालगञ्ज कार्यालय प्रमुख अधिकारीले जानकारी दिईन ।
