समाचार सारांश
- नरैनापुर गाउँपालिकाले जनप्रतिनिधि र शाखा प्रमुखका लागि २ दिने स्थानीय शासन कार्यसम्पादन मूल्याङ्कन सम्बन्धी अभिमुखीकरण सम्पन्न गरेको छ।
- कार्यक्रमले सुशासन, पारदर्शिता कायम गर्दै योजनाहरू समयमै सम्पन्न गर्न सहयोग पुग्ने विश्वास गरिएको छ।
- अभिमुखीकरणबाट कर्मचारी र जनप्रतिनिधि आफ्नो जिम्मेवारी बुझी कामको स्वमूल्याङ्कन गर्न सक्षम हुने बताइएको छ।
नरैनापुर (बाँके) : बाँकेको नरैनापुर गाउपालिकाले पालिकाको जनप्रतिनिधि तथा विभिन्न शाखा प्रमुखहरुका लागि २ दिने स्थानीय शासान कार्यसम्पादन मुल्याङ्कन प्रणाली बारे अभिमुखिकरण आयोजना गरेको छ ।
यस कार्यक्रमबाट गाउपालिकाले सञ्चालन गरेका योजनामा पारदर्शिता र सुशासन कायम हुदै निर्धरित समयमै योजना सम्पन्न हुने विश्वास गरिएको छ ।
बाँकेको नरैनापुर गाउपालिकाले पालिकाको जनप्रतिनिधि तथा विभिन्न शाखा प्रमुखलाई लक्षित गरी २ दिने स्थानीय शासान कार्यसम्पादन मुल्याङ्कन प्रणाली अनुशिक्षण सम्पन्न गरेको पालिकाका योजना शाखा प्रमुख भरत महतोले जनाकारी दिए ।
नरैनापुर गाउपालिकाका वडा नं ५ वडा अध्यक्ष कृष्णचन्द्र मौर्यले यो अभिमुखिकरण स्थानीय शासान कार्यसम्पादन मुल्याङ्कन गर्न सहज भएको बताए ।
उनले भने–‘ गतवर्ष पनि नरैनापुर गाउपालिका स्थानीय शासान कार्यसम्पादन मुल्याङ्कनमा पहिलो भएको थियो यसवर्ष पनि उत्कृष्ठ हुने कुरामा विश्वस्त छु ।’
नरैनापुर गाउपालिका वडानं ४ का वडा अध्यक्ष मनोज कुमार शर्माले यो अभिमुखिकरणबाट सुशासन र पारदर्शिता कायम गर्न पालिका सक्षम हुने विश्वार व्यक्त गरे ।
नरैनापुर गाउपालिकाका प्रमुख प्रशासकिय अधिकृत नवराज वलीले स्थानीय शासन कार्यसम्पादन मुल्याङ्कन कार्यविधिको बारेमा जानकारी हुँदै अनलाईनमा समेत प्रविष्टी गर्ने तरिका विभिन्न विषयगत रुपमा सिकाईएको बताए ।
उनले भने–‘ यो अभिमुखिकरणले सबैलाई आ–आफनो जिम्मेवारी बोध गराएको छ । आ–आफनो शाखामा भएको कामको स्वमुल्याङ्कन गरी तोकिएको ढाँचाको कागजहरु प्रविष्टी गर्न सक्षम हुनुहुनेछ भन्ने विश्वास लिएको छु । ’
२ दिनसम्म सञ्चालन गरिएको सो अभिमुखिकरणमा विष्णु नेपाली, गंगाबहादुर शाही र सुमन धिमालले प्रशिक्षण दिएको कार्यक्रमको अध्यक्षता उपाध्यक्ष जयन्ती कुमारी श्रीबास्तावले गरेकी थिईन ।
