समाचार सारांश
- जिल्ला निर्वाचन कार्यालयले अस्थायी मतदाताका लागि नौवस्ता कारागार, बाँके कारागार र रामलीला मैदानमा तीनवटा अस्थायी मतदान केन्द्र तोकेको छ।
- सरकारी कर्मचारी, सुरक्षा निकायका सदस्य, कारागारका थुनुवा/कैदी, वृद्धाआश्रममा बस्ने व्यक्ति लगायत २ हजार ३३८ जना अस्थायी मतदाता सूचीकृत छन्।
- अस्थायी मतदाताले समानुपातिकतर्फ मात्र मतदान गर्न पाउने छन् भने निर्वाचनका लागि २ हजार ४१५ कर्मचारी सिफारिस गरिएको छ।
नेपालगञ्ज : जिल्ला निर्वाचन कार्यालयले अस्थायी मतदाताका लागि तीनवटा मतदान केन्द्र कायम गरेको छ । जिल्ला निर्वाचन अधिकारी टेकबहादुर शाहीका अनुसार जिल्लाको निर्वाचन क्षेत्र नं १ को नौवस्ता कारागार, क्षेत्र नं २ को बाँके कारागार र कर्मचारीका लागि रामलीला मैदानमा अस्थायी मतदान केन्द्र कायम गरिएको हो ।
सङ्घ तथा प्रदेश सरकार, स्थानीय तह तथा नेपाल सरकार तथा प्रदेश सरकारको स्वामित्वमा रहेका संस्थामा कार्यरत कर्मचारी, ब्यारेकमा रहेका नेपाली सेना, नेपाल प्रहरी वा सशस्त्र प्रहरी, कारागारमा रहेका थुनुवा वा कैदी, वृद्धाआश्रममा बसेका व्यक्तिलगायत अस्थायी मतदाता नामावलीमा समावेश छन् ।
बाँकेमा दुई हजार ३३८ जना अस्थायी मतदाताका छन् । अस्थायी मतदाताले समानुपातिक निर्वाचनमा मात्र मतदान गर्न पाउँने व्यवस्था छ । प्रमुख जिल्ला अधिकारी दिलकुमार तामाङको अध्यक्षतामा मङ्गलबार भएको बैठकले निर्वाचनका लागि दुई हजार ४१५ कर्मचारी सिफारिस गरेको हो ।