नेपालगञ्ज : नेपाली कम्युनिष्ट पार्टीबाट बाँके क्षेत्र नं. २ का प्रतिनिधि सभा सदस्य पदका उम्मेदवार दिपेन्द्र बिष्टले भावुक अपिलगर्दै मतदातासँग विश्वास कायम राख्न आग्रह गरेका छन् ।
उनले शनिबार नेपालगञ्ज–१० सोफिया टोलमा घरदैलोमा पुगेका बोलामा भने–‘मत परिवर्तन नगर्नु होला, म तपाइँहरूको साथमै छु । परिवर्तनको एजेन्डा मेरै हो ।’
उनले सोफिया टोलमा मतदातासँग प्रत्यक्ष संवाद गर्दै बिष्टले आफ्नो विकास दृष्टिकोण, सुशासनको प्रतिबद्धता र स्थानीय प्राथमिकता बारे धारणा राखे ।
कार्यक्रममा नेपाली कम्युनिस्ट पार्टीका लुम्बिनी प्रदेश सचिवालय सदस्य डिल्ली बराल (अमिर) सहितका नेता–कार्यकर्ताको उपस्थिति थियो ।
नेपालगञ्ज–१० को कार्यक्रम लगत्तै बिष्ट डुडुवा–६ सुब्बाकुरुवातर्फ घरदैलो अभियानमा निस्किएका थिए । त्यहाँ पनि टोल–टोलमापुगेर उनले मतदातासँग भलाकुसारी गरेका थिए ।
प्रतिक्रिया दिनुहोस्