नेपालगञ्ज : निर्यात जन्य खाद्य पदार्थहरुको पहिचान तथा निर्यात प्रबद्र्धन सम्बन्धी सरोकार बीच समन्वयत्मक कार्यशाला नेपालगञ्जमा सम्पन्न भएको छ ।
खाद्य आयात निर्यात गुणस्तार प्रमाणिकरण कार्यलय नेपालगञ्जको आयोजनामा सम्पन्न कार्यक्रममा नेपालबाट भारत लगायत तस्रोमुुलुक निर्यात गर्न कृषि उजप र अर्गानिक खाद्य वस्तुहरूको विश्व बजारमा उच्च माग रहेको साथै व्यापार घाटा कम गर्न र अर्थतन्त्रलाई बलियो बनाउन यस्ता वस्तुहरूको निर्यात र प्रवद्र्धन गर्न आवश्यक ठानिएको नेपालगञ्ज भन्सार कार्यलयका प्रमुख भन्सार अधिकृत जनार्दन पौडेलले बताए ।
उनले नेपालबाट अलैची, अदुवा, बेसार, मह, चिया, कफि, जडिबुटी, दाल गेडागुडि, अम्लीसो कुचो, फलफुल, तरकारी बिउबिजन, अकबरे खुर्सानी, दुधजन्य पदार्थलगायतको बस्तु नियमित निर्यात हुने गरेको जानकारी दिए ।
खाद्य निर्यातले व्यापार घाटालाई रिकभर गर्नूका साथै रोजगारीको अबस्था सृजना गर्ने हुदा यसको गुणस्तरमा कुनै पनि सम्झौता गर्न नहुने कुरामा जोड दिएको थियो ।
खाद्य आयात निर्यात गुणस्तार प्रमाणिकरण कार्यलय नेपालगञ्जका कार्यालय प्रमुख एकराज बुढाथोकीको अध्यक्षतामा सम्पन्न कार्याक्रममा खाद्य प्रविधि तथा गुण नियान्त्रण कार्यालयका प्रमुख प्रशन्त पोखरेलले विषयगत प्रस्तुती गरेका थिए । कार्यक्रममा नियार्तकर्ता उद्योगी, भन्सार एजेन्टस व्यवसायीलगायतको सहभागिता थियो ।
