नेपालगञ्ज : जाडो बढेसँगै उपचारका लागि रगतको अभाव हुन नदिने उंदेस्यले नेपाल पत्रकार महासंघ बाँकेले बृहद रक्तदान कार्यक्रम आयोजना गरेको छ ।
महासंघको हलमा आयोजना गरिएको सो रक्तदान कार्यक्रम रेडक्रश रक्तसञ्चार प्रादेशीक कार्यालयको सहकार्यमा गरीएको हो ।
जाडोको समय तथा बाक्लो हुस्सुका कारण दुर्घटना बढी हुने भएकोले उपाचारमा रगतको कमी हुन नदिन रक्तादानको कार्यक्रम आयोजना गरिएको पत्रकार महासंघ बाँकेका अध्यक्ष नविन गिरीले जानकारी दिए ।
सो कार्यक्रममा ३० पत्रकार, सुरक्षाकर्मी तथा नागरिक समाज अगुवाहरुले रक्तदान गरेका छन ।
यसैबीच लागातार १ सय ६ पटक रक्तदान गर्ने पत्रकार महासंघ बाँकेका साधरण सदस्यसमेत रहेका पत्रकार पवन जयसवाललाई सम्मान गरिएको छ ।
उनलाई पत्रकार महासंघका लुम्बिनी प्रदेश अध्यक्ष शुक्रऋषि चौलागाई, पूर्व अध्यक्ष झलक गैरे, रुद्र सुवेदी लगायतले सम्मान गरेका थिए ।
