गेदावरी (ललितपुर) :  नेकपा (एमाले)को दोस्रो विधान महाधिवेशनमा पार्टीको संस्थापन पक्षको प्रस्तावमा ९९ प्रतिशित प्रतिनिधिहरुले सहमर्थन जनाएका छन् ।

ललितपुराको गोदावरीमा जारी महाधिवेशनको पहिलो दिन प्रस्तुत, राजनीतिक, सांगठनिक र विधान संशोधन प्रस्ताव माथि दोस्रो दिनको समुहगत छलफलमा २५ जनाले मात्रै संस्थापन पक्ष अघि सारेको पुर्वराष्ट्रपति विद्यादेवी भण्डारीको सदस्यता नविकरण नगर्ने निर्णयको विपक्षमा आफ्ना बीचार राखेको केन्द्रीय प्रचार तथा प्रकाशन विभागका प्रमुख राजेन्द्र गौतमले जानकारी दिए ।

महाधिवेशनका दुई हजार तीन सय २१ प्रतिनिधि मध्ये निकै थोरै अर्थात १ प्रतिशतले मात्रै त्यसतर्फ आफ्ना भनाई खुलेर राखेको बताउदै गौतमले भने, ‘छलफलका क्रममा हरेक समुहबाट २÷३ जनाले मात्रै पूर्व महामहिम पुर्वराष्ट्रपति विद्यादेवीको पार्टी सदस्यता नविकरण गर्न हुदैन् भन्ने पार्टी निर्णयका विपक्षमा आफ्ना बिचार राख्नु भएको छ । दशवटै समुहबाट जोड्दा त्यसरी बीचार राख्ने कमरेडहरुको संख्या २५ जना मात्रै छ ।’

निर्धारित समयभन्दा केहि ढिलो शुरु भएको बन्द शत्रको दोस्रो दिनको छलफलमा ३१६ जना प्रतिनिधि भएको कोशी प्रदेशबाट ५० जनाले प्रत्यक्ष रुपमा आप्mना धारणा राखेको एमाले कोशीका अध्यक्ष घनश्याम खतिवडाले जानकारी दिए । छलफलमा २५ जनाले लिखित रुपमा पनि प्रतिवेदन माथि आप्mना सुझाव राख्नु भएको छ, अध्यक्ष खतिवडाले भने, ‘लिखित र मौखिक रुपमा धारणा राख्ने ७५ जनामध्ये केन्द्रीय सदस्य युवराज बास्कोटा र केन्द्रीय सल्लाहकार परिषद् सदस्य तारादेवी राईले पुर्वराष्ट्रपति भण्डारीको पार्टी सदस्यतालाई नविकरण गर्नुपर्ने तर्क गर्नुभयो ।’

‘छलफलमा मौखिक र लिखित सुझाव दिने अधिकांश प्रतिनिधिले पार्टीको सदस्यताबाट राजीनामा दिएर देशको सर्वोच्च पद राष्ट्रपति, उपराष्ट्रपति र सर्वोच्च अदालतको प्रधान न्यायधिश भैसकेको कुनैपनि व्यक्तिलाई पार्टीको सक्रिय राजनीतिमा ल्याउन हुदैंन भन्ने कुरा पार्टीको मात्र नभएर नेपालको संविधानमै उल्लेख गर्नुपर्ने बिचार राखेका छन् । जुन स्वभाविक पनि देखिन्छ’, प्रदेश अध्यक्ष खतिवडाले थपे ।

२ सय २७ जना प्रतिनिधि भएको मधेश प्रदेशको छलफलमा यसरी पार्टीले गरेको निर्णयमा पुर्न बिचार गर्नुपर्छ भन्नेको संख्या ३ जना मात्र छ । छलफलमा कुरा राख्ने ३५ जना मध्ये अरबिन्द्र सिंहलगायतले पार्टीले पुर्वराष्ट्रपतिलाई सदस्यता दिन हुदैन् भन्ने निर्णयमा पुर्नबीचार गर्नुपर्नेमा जोड दिए । महाधिवेशनमा प्रस्तुत सबै प्रतिवेदन र पार्टीले गरेको निर्णणप्रति समर्थन भएपनि देशको पुर्वराष्ट्रपतिले पार्टीको सदस्यता पाउ भनेर गरेको अपिलमा पार्टी लचिलो हुनुपर्ने भनाई उनको रहेको मधेश प्रदेशको समुहमा रहेका केन्द्रीय सदस्य प्रभु हजाराले जानकारी दिए ।

समुह छलफलमा बाग्मती प्रदेशका अधिकांश प्रतिनिधिहरुले देशको गरिमाका रुपमा रहेकी पुर्वराष्ट्रपति भण्डारीलाई पार्टी राजनीतिमा फर्किन नहुने तर्क गरेका छन् । उनी (भण्डारी) अब एमालेको मात्र होइन् सिङ्गो गणतन्त्रात्मक नेपालकै गौरव र मानक हो । उनले सबैको अविभावक भएर सिङ्गो देशलाई एकताबद्ध रुपमा अगाडि बढाउन प्रतिनिधिहरुको सुझाव समुह छलफलका क्रममा दिएको पोलिटव्यूरो सदस्य पार्वत गुरुङ्गले जानकारी दिए ।

३ सय ६१ जना महाधिवेशन प्रतिनिधिमध्ये जम्मा ११ जनाले मात्रै पुर्व राष्ट्रपति भण्डारीले पार्टीको सदस्यताका लागि खुला रुपमा चासो देखाएपछि दिनु पर्ने तर्क गरेका छन्’, पुर्व सूचना तथा सञ्चारमन्त्री समेत रहेका गुरुङ्गले भने, ‘यसरी कुरा राख्ने साथीहरुले पनि तत्काल पार्टीको नेतृत्वमा ओली विकल्प सोच्न नसकिने भन्ने तर्क गरेका छन् ।’

स्रोतका अनुसार बाग्मतीबाट भण्डारीलाई सदस्यता दिनुपर्ने तर्क गर्नेमा दिपक निरौला, उषकिरण तिमिल्सीना, तेजेन्द्र खड्का, नारायण खतिवडा, अरुण नेपाल, शुशिला पाख्रीन, सरिता न्यौपाने, शर्मिला कार्की, सिता पौडेल, राजेन्द्र राजथला र झम्क नेपाल रहेका छन् । पार्टीले अघि सारेको मिशन २०८४ सफल पार्न र आिन्तरिक विवाद हटाउन कै लागि भए पनि त्यागेको सदस्यतालाई नविकरण गर्नुपर्ने तर्क उनीहरुको छ ।

एक सय ८८ प्रतिनिधि भएको गण्डकी प्रदेशको छलफलमा विकास लम्साल र विद्या भट्टराई बाहेक सबैले पार्टीका सबै निर्णयको समर्थन गरेका छन् । उनीहरुले पनि सबै निर्णयको पक्षमा राखेको बताएका गण्डकी प्रदेश सचिव धनञ्जय दवाडीले पुर्व राष्ट्रपति भण्डारीको सदस्यता नविकरण नगरेकै कारण एकताबद्ध एमालेमा विवाद भएजस्तो देखाउन खोजिएको तर्क गरेको जानकारी दिए ।

संविधानको संरक्षक बनेको व्यक्ति (राष्ट्रपति र उपाराष्ट्रपति) लाई पार्टीको राजनीतिमा ल्याउन नहुनेमा लुम्बिनी प्रदेश पनि एकताबद्ध देखियो । दुई सय १७ प्रतिनिधि भएको लुम्बनीमा लिला गिरी, टोपबहादुर ओली र पुजन विश्वकर्माले मात्रै भण्डारीको सदस्यता नकिरण गर्नुपर्नेमा जोड दिए । यद्यपी उनीहरुले पनि थप एक कार्यकालका लागि पार्टी नेतृत्वमा अध्यक्ष ओलीको विकल्प सोच्न नसकिनेतर्क गरेको केन्द्रीय सदस्य खेममान खड्काले जानकारी दिए । लुम्बीनीको छलफलमा ८५ जना प्रतिनिधिले आफ्ना धारणा राखेका थिए ।

पार्टी केन्द्रको प्रस्तावमा कर्णाली प्रदेश एक ढिक्का बन्यो । एक सय ३२ प्रतिनिधि भएको कर्णालीमा सेनाको परामाधिपति, संविधानको संरक्षक भएको व्यक्ति राष्ट्रपति र पुर्वराष्ट्रपतिलाई कुनै पनि पार्टीको सक्रिया राजनीतिमा आउन नहुने पार्टीको निर्णयमा कर्णालीले एक माने निर्णय गरेको स्थायी कमिटी सदस्य तथा प्रदेश इन्चार्ज गोरखबहादुर बोगटीले जानकारी दिए ।

‘४६ जना प्रतिनिधिले धारणा राखेको कर्णाली छलफलमा केन्द्रीय पदाधिकारीमा सबै प्रदेशबाट प्रतिनिधित्व हुनेपर्ने माग चर्को रुपमा उठ्यो’, इन्चार्ज बोगटीले थपे , ‘विद्यमान पार्टी सदस्यता शुल्कको वितरण प्रक्रियामा संशोधन गरेर केन्द्रमा २० प्रतिशत, प्रदेश र जिल्लामा २५÷२५ प्रतिशत, पालिका कमिटीमा २० प्रतिशत र वडा कमिटीमा १० प्रतिशत शुल्क राख्ने व्यवस्था विधानमै गर्नुपर्ने प्रस्ताव कर्णालीले गरेको छ ।’

समुह छलफलमा पार्टी केन्द्रको निर्णयका पक्षमा सुदूरपश्चिम प्रदेश पनि बलियो ढंगले उभिएको छ । एक सय ८० जना प्रतिनिधि भएको सुदूरपश्चिम प्रदेश समुहका बोल्ने ३० जना प्रतिनिधिमध्ये झपड रावल, प्रकाश शाह, डेजि पाण्डे, सेरबहादुर मल्ल र तपेन्द्र रावलले मात्रै पार्टीका अन्य निर्णयका पक्षमा बोले पनि पुर्वराष्ट्रपति भण्डारीको सदस्यता नविकरणको काम गर्नुपर्ने पक्षमा आवाज उठाएको केन्द्रीय सदस्य लालबहादुर थापाले जानकारी दिए ।

थापाका अनुसार पार्टीको नेतृत्व, राजनीतिक प्रतिवेदन र सांगठनिक प्रतिवेदनमा उनीहरुको फरक मत नभए पनि पार्टीको पुर्व उपाध्यक्षले सदस्यता नविकरण गर्छु भन्दा नविकरण सहज रुपमा गर्न दिनुपर्ने व्यवस्था हुने पर्नेमा जोड दिए ।

उपत्यका विशेष प्रदेश, पार्टी सम्बद्ध जनसंगठन, सम्पर्क समन्वय र प्रवास समेतका गरेर १ सय ९७ प्रतिनिधि रहेको आठौ समुह, केन्द्रयि सल्लाहकार परिषद्, केन्द्रीय आयोगहरु, केन्द्रीय कार्यालय विभागसमेत गरेर एक सय ८९ प्रतिनिधि भएको नवौ समुहमा पनि पार्टीको निर्णयलाई एकताबद्ध कार्यानवयन गर्नुपर्नेमा जोड दिने निष्कर्ष निकालेको छ ।

यसैगरी दशौं महाधिवेशनमा प्रतिनिधि नभएका तर पछि मनोनित भएका केन्द्रीय कमिटी सदस्य, केन्द्रीय सल्लाहकार परिषद् सदस्य र आयोजक सहित गरेर ३ सय १४ प्रतिनिधि भएको दशौं समुहमा समेत पुर्वराष्ट्रपतिलाई सक्रिय राजनीतिमा ल्याउन नहुने आवाज एकताबद्ध रुपमा उठेको छ ।

दोस्रो दिन शनिबार ७ घण्टा समुहगत छलफल गरेका दशवटै समुहको प्रस्तुतीकरण आज हुने पार्टी प्रचार तथा प्रकाशन विभागका प्रमुख राजेन्द्र गौतमले जानकारी दिए । उनका अनुसार समुह छलफल, जिज्ञासा माथिको जवाफ र प्रस्तावलाई निर्णायर्थ प्रस्तुत गरेपछि विधान महाधिवेशन आजै समापन गर्ने कार्यक्रम छ ।