नेपालगञ्ज : जेनजी आन्दोलनको कारण आगजनी भएको नेपालगञ्ज उपमहानगरले सेवाग्राहीलाई आगलागी भएकै परिसरबाट सेवाप्रवाह सुरु गरेको छ ।
आन्दोलनकारीको आगजनीका कारण भवन जलेर खण्डहर भए पनि उपमहानगरबाट सेवा लिन आउने सेवाग्राहीलाई सेवा दिन आफुहरुले पहिलो दिनदेखि नै पहल गरेको उपमहानगरका प्रमुख प्रशासकिय अधिकृत रामहरी शर्माले जानकारी दिए ।
उनले घटनापछि उपमहानगर परिसरको टिनको सेडमै कार्यपालिकाको बैठक समेत बसेर उपमहानगरको भौतिक पूर्वाधार निर्माण भन्दा पनि जेजस्तो अवस्था छ त्यसैबाट सेवा प्रवाह गर्ने निर्णय भएको बताए । उनले उपमहानगरबाट विगतमा दिदै आएको सेवा प्रवाह सुचारु रहेको बताए ।
उनले आगजनी लुटपाटबाट भएको क्षतिको विवरण संकलन गर्ने, नगरको सरसफाई सुचारु गर्नुको साथै स्वास्थ्य सुबिधाका दिनु पर्ने सिफारिसलगायतका सेवा शुन्यबाट सुरु गरेको बताए ।
आन्दोलनका क्रममा उपमहानगर परिसरमा भएका सरकारी तथा नीजी सवारी साधनमा आगजनी गरिनुको साथै आन्दोलनकारीले भवनका प्रत्यक कोठामा पुगेर आगजनी गर्नुको साथै कम्युटर, ल्यापटपलगायतका सामानहरु चोरी गरेका थिए ।
सोमबारको कार्यपालिका बैठकमा नेपालगञ्ज उपमहानगरका प्रमुख प्रशान्त विष्ट, उपप्रमुख कमरुद्दिन राई, प्रमुख प्रशासकिय अधिकृत शर्मा, सबै वडाका वडा अध्यक्षहरु, कार्यपालिका सदस्यहरुको उपस्थिति रहेको थियोे ।
