कैलाली : कैलालीमा खोलामा नुहाउन गएका ४ जना मृत अवस्थामा भेटिएका छन् । कैलालीको गोदावरी नगरपालिका–९, शेहरी झोलुंगे पुलनजिक खुटिया खोलामा बेपत्ता ४ युवा मृत अवस्थामा फेला परेका हुन् ।
उनीहरु नुहाउन गएका सात जनामध्ये चारजना नुहाउने बेलामा बेपत्ता भएका थिए । नुहाउन गएका बेपत्ता हुनेहरुमा धनगढी उपमहानगरपालिका घर भएका १७ वर्षीय सक्षम जोशी, १६ वर्षीय जेव भण्डारी, १७ वर्षीय जाबेज भण्डारी र १५ वर्षीय प्रतिक चौधरी मृत अवस्थामा फेला परेका हुन् ।
उनीहरू चार जना मृत अवस्थामा फेला परेको इलाका प्रहरी कार्यालय मालाखेतीका डिएस्पी रणबहादुर चन्दले जानकारी दिए ।
