नेपालगञ्ज : एमाले निकट लोकतान्त्रिक आदिवासी जनजाति महासंघ बाँकेको विस्तारित भेलाबाट प्रेम बहादुर थापा पुलामीको अध्यक्षतामा १९ सदस्यीय कार्य समिति चयन भएको छ ।
एमाले केन्द्रीय स्थायी कमिटी सदस्य तथा इन्चार्ज थममाया थापा मगरको प्रमुख आतिथ्यता, केन्द्रीय अध्यक्ष पासाङ शेर्पा, नेकपा एमाले बाँकेका अध्यक्ष निरक गुरुङ, सचिव बलराम भट्टराई र उपसचिव किशोर थापालगायतको उपस्थितिमा सो विस्तरित भेलाको आयोजना गरिएको थियो ।
विस्तारित भेलाद्वारा गठित जिल्ला कार्यसमितिको उपाध्यक्षमा पल्टुराम थारु, सचिवमा चेतबहादुर घर्र्र्ती, सहसचिवमा टेकबहादुर गुरुङ्ग र कोषध्यक्षमा चित्रा श्रीस चयनलगायत १९ सदस्यीय कार्यसमिति चयन भएको नव निर्वाचित सचिव घर्तीले जानकारी दिए ।
