काठमाडौं : नेकपा एमालेका महासचिव शंकर पोखरेलले हिमाली क्षेत्रका बस्तीको सुरक्षामा ढिलाइ गर्न नहुने बताएका छन् । हुम्लामा पहिरोले पु¥याएको क्षतिपछि सामाजिक सञ्जाल फेसबुकमा एक स्टाटस लेख्दै पोखरेलले हिमाली क्षेत्रका जोखिमपूर्ण बस्तीलाई तत्काल सुरक्षित स्थानमा हस्तान्तरण गर्नुपर्ने बताएका हुन ।
जलवायु परिवर्तनले हिमाली क्षेत्रमा पार्न सक्ने प्रभावको विषयमा नेपालमा सगरमाथा संवाद चलिरहेको बेला हुम्लाको नम्खामा आएको बाढी पहिरोले बस्तीमा क्षति पु¥याएपछि पोखरेलले त्यस्तो प्रतिक्रिया जनाएका हुन ।
नाम्खामा आएको पहिरोले धेरै मानिसहरू घरबार विहीन भएका भन्दै उनले चिन्ता व्यक्त गरेका छन् । ‘जलवायु परिवर्तनले हिमालय क्षेत्रमा परेको र पर्न सक्ने असरका बारेमा सगरमाथा संवाद चलिरहेका बलामा हुम्ला जिल्लाका नाम्खावासी पहिरोको कारणले घरबार विहीन बन्न पुगेका छन्’, पोखरेलले लेखेका छन् ।
हिमाली क्षेत्रको जोखिमयुक्त बस्ती पहिचान गरी सुरक्षित स्थानमा हस्तान्तरण गर्नुपर्ने उनको सुझाव छ । ‘अब ढिलो नगरी हिमाली क्षेत्रका जोखिमयुक्त वस्तिहरूको पहिचान गरेर सुरक्षित स्थानमा स्थानान्तरणका लागि योजना बनाउनु आवश्यक छ, त्यसका लागि सुरक्षित क्षेत्र पहिचान गरेर वन क्षेत्र र संरक्षण क्षेत्रबाट अलग गरी सुरक्षित वस्ति विकासको योजना अघि बढाउनु पर्दछ’, पोखरेलको सुझाव छ ।
