नेपालगञ्ज : नेपाल कुशवाहा कल्याण समाज बाँकेले आउदै गरेको फागूपर्वका अवसरमा होलीमिलन तथा सम्मान कार्यक्रम सम्पन्न गरेको छ ।
नेपाल कुशवाहा कल्याण समाज बाँकेका जिल्ला अध्यक्ष राजकुमार मौर्याकोे अध्यक्षता तथ नेपाल कुशवाहा कल्याण समाजका केन्द्रिय सचिव भरत महतोको प्रमुख अतिथ्यतामा कार्यक्रम सम्पन्न गरेको हो ।
बाँकेमा करिव ७ हजारको संख्यामा रहेको कुशवाह मौर्य जातिको उत्थानको लागि कृयाशिल कार्यसमिति पदाधिकारी, बर्गिय समाजका पदाधिकारी समाज अगुवा, युवा, विद्यार्थी, कर्मचारीको उपस्तिथि रहेको थियो ।
सो कार्यक्रममा समाजको प्रतिनिधित्व गर्दै राष्टसेवक कर्मचारीहरु, समाजसेवी र उत्कृष्ठ विद्यार्थीलाई सम्मान गर्नुको साथै एक आपसमा होली शुभकामना आदान प्रदान गरिएको केन्द्रीय सचिव भरत महतोले जानकारी दिए ।
कार्यक्रममा स्वागत सहसचिव कमलेश मौर्यले गरेको कार्यक्रम माथि प्रकाश नेपाल कुशवाहा कल्याण समाज डुडुवा गाउँपालिकाका अध्यक्ष अशोक मौर्याले गरेका थिए भने कार्यक्रम संचालन अजय मौर्यले गरेका थिए ।
सो अवसरमा समाजका संस्थापक अध्यक्ष सीताराम महतोको ८६ वर्षको उमेरमा गत फागुण ८ गते भएको असमायिक निधन प्रति श्रद्धाञ्जली व्यक्त गरिएको थियो ।
