नेपालगञ्ज : बाँके प्रहरीले जमुनाहबाट प्रतिबन्धित लागू औषध ब्राउन सुगरसहित दुई जनालाई नियन्त्रणमा लिएर अनुसंन्धान सुरु गरेको छ ।
जिल्ला प्रहरी कार्यालय बाँकेले दिएको जानकारी अनुसार लागू औषध नियन्त्रण व्यूरो नेपालगञ्ज र ईप्रका जमुनाहबाट खटिएको संयुक्त टोलीले भारतबाट नेपालतर्फ आउदै गरेका दुई जनाको साथबाट ११ ग्राम ४७० मिलिग्राम लागू औषध ब्राउन सुगर जस्तो देखिने खैरो धुलो पदार्थ बरामद गरेको हो ।
जिल्ला प्रहरी कार्यालय बाँकेका प्रवक्ता प्रहरी नायव उपरिक्षक आयुस प्रसाद जोशीले जारी गरेको विज्ञप्तीमा सो लागू औषध सहित प्रहरी नियन्त्रणमा पर्नेहरुमा लेखवेशी नगरपालिका वडानं. १ वर्ष ३० का भक्तराज थापा र दैलेख भगवतीमाई गाउपालिका –३ वर्ष २८ का हिमाल खड्कालाई शंका लागि खानतलासी गर्दा उनीहरुको जुत्तामा लुकाएको आवस्थामा फेलापारी नियन्त्रणमा लिएर अनुसंधान सुरु गरेको जनाएको छ ।
