लुम्बिनी प्रदेश स्थापना दिवस उत्सवकोरुपमा मनाइदै, सोमवार सार्वजनिक विदा

दशरथ घिमिरे २० माघ २०८१, आईतवार १२:३१
 


दाङ : लुम्बिनी प्रदेश सरकारले प्रदेश स्थापना दिवसलाई उत्सवकोरुपमा मनाउदैछ । माघ २१ गते सोमवार भोली लुम्बिनी प्रदेश सरकारले आठौं स्थापना दिवस मनाउन थालेको हो ।

प्रदेश सभा सचिवालय परिसरमा मुल समारोहको आयोजना गरिदैछ । प्रदेश प्रमुखको बिशेष उपस्थितीमा मुल समारोह आयोजना गर्न थालिएको हो ।

बाजागाजा सहितको झाँकी प्रदर्शन, विभिन्न मन्त्रालयहरुका स्टलहरु समेत राखिने छन् । यसैगरी स्थापना दिवसलाई भब्य र उत्सवमय बनाउन माघ २०, २१ र २२ गते तीन दिन प्रदेश मन्त्रालय, सचिवालय, निर्देशनालय र प्रदेशस्थित सबै कार्यालयमा दिपावलीगरी मनाउने कार्यक्रम रहेको छ ।

शितगंगा नगरपालिका, लमही नगरपालिका, शिवराज नगरपालिका, गढवा गाउँपालिका, राप्ती गाउँपालिका, राजपुर गाउँपालिका, सरुमारानी गाउँपालिकाले आ–आफ्नो क्षेत्रभित्रको कला, संस्कृति र भेषभुषा सहित झाँकी प्रदर्शन गर्ने कार्यक्रम राखिएको छ ।


झाँकीहरुको विचमा प्रतिस्पर्धा गरिने, प्रथम हुनेलाई २० हजार, दोस्रो हुनेलाई १५ हजार, तेस्रो हुनेलाई १० हजार रुपैयाँ पुरस्कारको व्यवस्था गरिएको छ ।

प्रदेश स्थापना दिवसमा लुम्बिनी प्रदेश सरकारले प्रदेशभर सार्वजनिक विदा समेत दिएको छ । लुम्बिनीले हरेक वर्ष माघ २१ लाई प्रदेशसभा स्थापना दिवस र फागुन ३ लाई सरकार स्थापना दिवसको रुपमा मनाउँदै आएको थियो ।

प्रदेश सरकारले दुई वटा दिवसलाई एकैदिन मनाउनेगरी माघ २१ लाई प्रदेश स्थापना दिवसको रुपमा मनाउने निर्णय गरेको थियो । सोही निर्णयको आधारमा माघ २१ लाई प्रदेश स्थापना दिवसको रुपमा मनाउन थालिएको हो ।

Leave a Reply

Your email address will not be published. Required fields are marked *

Next Post

नेपालगञ्जमा खुकुरी प्रहार गरी फरार अभियुक्त प्रहरी नियन्त्रणमा

२० माघ २०८१, आईतवार १२:३१
नेपालगञ्ज :  जिल्ला प्रहरी बाँकेले खुकुरी प्रहार गरी फरार अभियुक्तलाई नेपालगञ्जको एक होटलबाट नियन्त्रणमा लिन सफल भएको छ । जिल्ला प्रहरी कार्यालय बाँकेका सूचना अधिकारी तथा प्रहरी नायव उपरिक्षक आयुसप्रसाद जोशीले दिएको जानकारी अनुसार जाजरकोट कुशे गाउँपालिका–८ निवासी २३ वर्षिय जगत सिंह ठकुरीलाई सो कसुरमा फरार रहेको अवस्थामा प्रहरी नियन्त्रणमा […]