डोल्पामा आगलागीमा परि ७५ बर्षिय जेष्ठ नागरिकको मृत्यु

सदरलाइन संवाददाता १६ माघ २०८१, बुधबार १५:२५
 

डोल्पा :  डोल्पाको मुड्केचुला गाउँपालिकामा बुधबार भएको आगलागीमा परि ७५ बर्षिय जेष्ठ नागरिकको मृत्यु भएको प्रहरीले जनाएको छ ।

जिल्ला प्रहरी कार्यालय डोल्पाका डिएसपी हरिकृष्ण केसीले वडा नम्बर –४ ईल स्थित गाउँमा रहेको बादी कामीको घरमा विहान ९ बजेको समयमा आगलागी हुंदा ७५ वर्षिय जेष्ठ नागरिक बादी सार्कीको सुतेको अवस्थामा जलेर मृत्यु भएको जानकारी दिए ।

मृतक बृद्ध अवस्थाका र अस्वस्थता कारण घरभित्र अगेना नजिक सुतिरहेको अवस्थामा ओढेको बल्ङकेट चुलोमा परेर जल्दा आगलागी भएको प्रहरीले जनाएको ।


आगलागीबाट दुईतले माटो ढुङ्गा र काठले बनेको घर जलेर पुर्णरुपमा ध्वस्त भएको छ । मृतक कामीका ज्वाइँ र छोरी काम विशेषले खेतवारीमा गएको अवस्थामा घर आगलागी भएको थियो ।

आगलागी पछि ईलस्थित प्रहरी चौकीका सुरक्षाकर्मी स्थानीय लागेर गोठमा भएका पशुचौयाको सकुशल उद्दार गरिएको थियो । आगलागीको खबरपछि जिल्ला प्रहरी कार्यालयबाट प्रहरीको टोली समेत घटनास्थल गएको बताइएको छ ।

Leave a Reply

Your email address will not be published. Required fields are marked *

Next Post

संविधानले परिकल्पना गरेको लक्ष्य प्राप्त गर्नु नै सहिदप्रतिको सच्चा श्रद्धाञ्जलीः मुख्यमन्त्री आचार्य

१६ माघ २०८१, बुधबार १५:२५
दाङ : लुम्बिनी प्रदेशका मुख्यमन्त्री चेतनारायण आचार्यले स्वतन्त्रता, गणतन्त्र, समानता र सामाजिक न्यायका लागि जीवन उत्सर्ग गर्ने सहिदहरूप्रति भावपूर्ण श्रद्धाञ्जली अर्पण गरेका छन । सहिद दिवसको सन्दर्भमा जारी सन्देशमा मुख्यमन्त्री आचार्यले संघीय लोकतान्त्रिक गणतन्त्रलाई संस्थागत गर्दै संविधानले परिकल्पना गरेका लक्ष्यहरू प्राप्त गर्नु नै सहिदप्रतिको सच्चा श्रद्धाञ्जली हुने बताएका हुन । […]

ताजा अपडेट