नेपालगञ्ज : बालसुधार गृह नौबस्ता बाँकेमा निःशुल्क स्वास्थ्य शिविर आयोजना गरिएको छ । नेपाल प्रहरी श्रीमती संघ लुम्बिनी प्रदेश र लुम्बिनी प्रदेश प्रहरी अस्पताल नेपालगञ्ज बाँकेको प्राविधिक सहयोगमा बाल सुधार गृहमा रहेका बालकहरुको शुक्रबार निःशुल्क स्वास्थ्य परीक्षण गरिएको हो ।
नौबस्तामा बालसुधार गृह स्थापना भएदेखि अहिलेसम्म स्वास्थ्य जाँच नगराएका बालकहरुले शुक्रबार चिकित्सकसँग आफना समस्याहरु राखे ।
स्वास्थ्य शिबिरमा डाक्टर बिबेक सुनार, आरके झा, अच्युत बिक्रम हमाल, आनन्द कुमार झा लगायतका डाक्टरले स्वास्थ्य जाँच गरेका थिए ।
डेन्टल मेडिसिन, नाककान घाँटी, हाडजोर्नी र छाला तथा यौन रोगको स्वास्थ्य जाँच गरियो ।
यस्तै शुक्रबारनै नेपाल प्रहरी श्रीमती संघ लुम्विनी प्रदेशको आयोजनामा शिक्षण अस्पतालको सहयोगमा जिल्ला प्रहरी कार्यालय मातहतमा रहेका प्रहरी कर्मचारीको स्वास्थ्य परीक्षण गरिएको नेपाल प्रहरी श्रीमती संघका अध्यक्ष लक्ष्मी कुवँरले बताइन् ।
