नेपालगञ्ज : महेन्द्र बहुमुखी क्याम्पस, नेपालगञ्जमा मंगलबार सम्पन्न स्वतन्त्र विद्यार्थी युनियनको निर्वाचनमा एमाले निकट अनेरास्ववियुको प्यानल विजयी भएको छ ।
निर्वाचनबाट अध्यक्षमा अनेरास्ववियुका केशर जंग शाहीले ५९९ मत प्रप्तगरी विजय भएका छन् । उनका निकटतम प्रतिद्वन्दी अखिल क्रान्तिकारीका हरेन्द्रबहादुर बिकले ५२७ मत प्राप्त गरे भने नेविसंघका सन्तोष रावलले ३६४ र समावेशी प्यानलका निशान थारुले १६० मत प्राप्त गरेका थिए ।
यसैगरी सचिवमा अनेरास्ववियुकै चिरञ्जीवी बुढाले ६६२, कोषाध्यक्षमा सुरेन्द्र रावलले ६९५ मत ल्याएर विजयी भएका छन् । यस्तै सदस्यमा अमिश बिक, वन्दना थारु, अंकित कुमार यादव, टक्क रोकाया, निरज यादव, राजिब साह, शिशिर सुवेदी र गोपाल आउजी विजयी भएका छन् ।
विजयपछि अध्यक्ष शाहीले सबै विद्यार्थीको विश्वास जित्न सफल भएको भन्दै धन्यवाद व्यक्त गर्दै सबैको सल्लाह र सुझाव लिएर क्याम्पसलाई शैक्षिक मैत्री बाताबरण बनाउने उल्लेख गरे ।
