कोहलपुर (बाँके) : कोहलपुर वडा नं. २ मा रहेको रझेना साना किसान सहकारी संस्था लि. र बसन्त बचत ऋण सहकारी संस्था लि.मा चोरी भएको हो । सोमवार राती चोरी भएको इलाका प्रहरी कार्यालय कोहलपुरले जनाएको छ ।
दुबै सहकारीमा एकै समूहले चोरी गरेको हुनसक्ने प्रहरीले आशशंका गरेको छ । रझेना साना किसान सहकारीबाट १ लाख ५० हजार र सिसि टिभी फोरिएको छ भने कम्प्यूटरको हार्डडिक्स पनि चोरी भएको छ ।
यस्तै बसन्त बचत ऋण सहकारीबाट ३ लाख ५० हजार चोरी भएको र अन्य रकम पनि चोरी भएको प्रारम्भिक अनुसन्धानमा आएको प्रहरीले जनाएको छ । चाडबाडका समयमा सुरक्षा चुनौती बढी हुने भएपनि कोहलपुर प्रहरीको सक्रियता सन्तोषजनक नरहेको सम्बद्धहरुले बताएका छन् ।
