बर्दिया : बर्दिया गुलरिया नगरपालिकास्थित भारतीय सिमाना लौकाही हुँदै भादापुरुवा जाने क्रममा एसएसबीले एक नेपालीबाट लागूऔषधसहित पक्राउ गरेको छ ।
एसएसबीले शंका लागि जाँच गर्दा १२ ग्राम लागूऔषध जस्तो देखिने ब्राउन सुगर फेला पारेको सशस्त्र प्रहरी बलले जनाएको छ । सशस्त्र प्रहरी नायव उपरीक्षक मोहन केसीले पक्राउ पर्नेमा मधुवन नपा–५ का करिब २९ वर्षीय रेशम चौधरी भएको बताए । एसएसबीले उनलाई उक्त पदार्थसहित पक्राउ गरेको छ ।
एसएसबीले पक्राउ परेका चौधरीलाई आवश्यक कारबाहीका लागि भारत उत्तरप्रदेश राज्य बहराइच जिल्लाको मोतीपुर थाना पठाएको एसएसबीलाई उधृत गर्दै उनले जनाए ।
