नेपालगञ्ज : ईलाका प्रहरी कार्यालय कोहलपुरले विभिन्न समयमा चोरी भएका सामग्री बरामद गरेको छ । ईलाका प्रहरी कार्यालय कोहलपुरले चोरी नियन्त्रण अभियान अनुरुप सञ्चालित स्विप अप्रेशन अन्तर्गत कोहलपुरका विभिन्न वडाहरुबाट चोरी भएका सामग्री बरामद गरेको हो ।
बरामद गरिएका सामग्रीलाई ईलाका प्रहरी कार्यालयमा राखिएको हुँदा सम्बन्धित मालसमान धनीले आफ्नो प्रमाणसहित हकदावी गर्नसक्ने प्रहरीले जानकारी दिएको छ । आफ्नो हराएको मालसामन प्राप्त गर्नका लागि ईलाका प्रहरी कार्यालय कोहलपुरमा सम्पर्क राख्न प्रहरीले अनुरोध गरेको छ ।
