नेपालगञ्ज : कोहलपुरमा अवैध हतियार सहित २ जना पक्राउ परेका छन् । पक्राउ पर्नेमा, कोहलपुर नगरपालिका वडा नं. १३, सिम्री बस्ने बर्ष ३८ को शेर बहादुर खत्री, सोही ठाउँ बस्ने बर्ष को ३८ को लाल बहादुर पजभैया रहेका छन् ।
विशेष सूचनाको आधारमा ईलाका प्रहरी कार्यालय, कोहलपुर बाँके र सब डिभिजन बन कार्यालय, कोहलपुर बाँकेबाट खटिएको संयुक्त टोलीले कोहलपुर नगरपालिका वडा नं. १३ सिम्रीस्थितबाट उनीहरूलाई पक्राउ गरेको हो ।
प्रहरीका अनुसार, विशेष सूचनाको आधारमा घर खानतलासी गर्दा अवैध घरेलु हतियार थान –२ (१ नाले भरुवा बन्दुक) फेला पारी पक्राउ गरिएको हो ।
पक्राउ गरी अदालतबाट चार दिनको म्याद थप गरी अनुसन्धान भईरहेको इलाका प्रहरी कार्यालय कोहलपुरले जनाएको छ ।
