फाईल फोटो
डुडुवा (बाँके) : बाँकेको डुडुवा गाउपालिकाका अन्तरगतका सामुदायिक विद्यालयका शिक्षकहरुले आफुहरुको मासिक तलब निकासा नभएको भन्दै पालिकाको शिक्षा शाखामा तालाबन्दी गरिदिएका छन् ।
विजयादशमी जस्तो पर्व नजिकिदै गर्दासमेत पालिकाबाट विद्यालय शिक्षकको तलव निकासाको पहल नगरेको भन्दै शिक्षक महासंघ, नेपाल राष्ट्रिय शिक्षक संगठन लगायतको अगुवाईमा शिक्षा शाखामा तालाबन्दी गरिएको हो ।
लामो समयदेखिको राजनीतिक खिचातानीको कारण पालिकाको गाउसभा समेत बस्न नसकेको अवस्थामा सामुदायिक विद्यालयका शिक्षक कर्मचारीले आफुले पाउनु पर्ने नियमित तलब लामोसमयदेखि नपाएको र पाउने छाँटसमेत नदेखिएपछि तालाबन्दी गर्नुपरेको स्थानीय शिक्षकहरुको भनाई छ ।
प्रकाशित मिति : २०७९ असोज ७ गते शुक्रबार
प्रतिक्रिया दिनुहोस्