नेपालगञ्ज : बाँकेको शिव शिखर बहुउद्देश्यीय सहकारी संस्था बाँकेमार्फत सञ्चालित शिव शिखर कृषि अनुसन्धान केन्द्र बाँकेले कृषि क्षेत्रको सम्भावनालाई उजागर गरेको छ ।
सुरुमा लिजमा जग्गा लिएर कृषि क्षेत्रमा होम्मिएको संस्थाले अहिले आफ्नै जग्गामा कृषि व्यवसायलाई अगाडि बढाएको छ । २०७१ सालमा बाँकेको बैजनाथ गाउँपालिका १ गाभर भ्यालीमा साढे २२ विगहा जग्गा लिजमा लिएर कृषि व्यवसायमा अग्रसरता देखाएको थियोे ।
८ बर्षको लागि लिजमा लिएको जग्गामा शिव शिखरले बाख्रा १ सय २० वटा, पाडा ४८ वटा, भैसी १५, चाइनीज हाँस २५ वटा, राजा हाँस १८ वटा, लोकल हाँस ८ वटा, माछा, कुखुरा उत्पादन गरि विक्रि वितरण गरि आम्दानी लिन सफल भएको छ । यति मात्र नभई फलफुलका विरुवा उत्पादन तथा फलफुलका विरुवा रोपी फल विक्री गरिने गरेको शिव शिखरका अप्रेशन इन्चार्ज गणेश न्यौपानेले बताए ।
शिव शिखरले पशुपालन तथा नर्र्सरीमा फलफुलका विरुवा लगाउने र उत्पादन गर्ने उद्देश्यका साथ बैजनाथको छमनियामा आफ्नै ४ विगाहा ६ कठठा जग्गामा पशु पालन तथा नर्सरीमा फलफुलका विरुवा उत्पादन गर्ने उद्देश्यका साथ व्यवसाय संचालन गरेको न्यौपानेले बताए ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
१५ सय कागती ६ सय अम्बा, ६ सय अंमला, जामुन लगायतका फलफुलहरु रोपीसकेको न्यौपानेले बताए । शिव शिखरले कृषि पेशाका लागि ८ जना कर्मचारी र समय अनुसार स्थानियलाई मासिक रुपमा लेबरी लगाउने कार्य गर्दै आएको न्यौपानेले बताए ।
शिव शिखरले उत्पादन गरेको पशुपालनमा बैजनाथ १ गाभरका पर्शुराम शर्मा जम्नु भएको छ । उहाँले अहिले ३४ वटा पाडाको हेरचाह गर्नमा जम्नु भएको हो । शर्माको दैनिकी पाडालाई हेरचाह गर्नेमा दिन वित्ने गरेको छ । विहान उठ्ने वित्तिकै पानी खुवाउने खाना दिने चराउन जानमा दिन वित्ने गरेको उनले बताए ।
शिव शिखरले २२ विगहा जमिनको मासिक ७० हजार भाडा तिर्नु परेको थियो । अहिले आफ्नै जमिनमा कृषि कर्ममा जुटेको शिव शिखरले जानकारी गराएको छ ।