नेपालगञ्ज : नेपाली पत्रकारिताको प्रथम पुस्ताका पत्रकार स्व. पन्नालाल गुप्त चाचाजीका बारेमा पत्रकार सन्तोष रेग्मीले बनाएको बृत्तचित्र चाचाजी युट्युबमा सार्वजनिक भएको छ ।
पत्रकार रेग्मीको लेखन–निर्देशन एवं निर्माण चाचाजीको यसअघि नेपालगञ्जमा विशेष प्रदर्शनी गरिएको थियो ।
चाचाजी उपनामबाट चर्चित पत्रकार गुप्त पञ्चायतकालको कठोर समयमा तत्कालीन शासकका धाक, धम्की र शारीरिक मानसिक यातनाबाट रत्तिभर विचलित नभई पत्रकारिताको धर्म निर्वाह गर्न अघि बढ्ने अविराम यात्री हुन् ।
प्रजातन्त्रले मात्र स्वतन्त्र प्रेसको मर्यादा कायम राख्न सक्छ भन्नेमा स्पष्ट रहेका उनी प्रजातन्त्र पुनस्र्थापनापछि प्रेस स्वतन्त्रता सेनानीबाट सम्मानित भएका थिए ।
