दाङ : लगातारको वर्षापछि दाङको देउखुरीका अधिकांश क्षेत्र जलमग्न भएका छन् । पानीको उचित निकास नभएपछि बस्तिमा पानी पस्न थालेको छ । राप्ती गाउँपालिका वडा नम्बर ६ को वडा कार्यालय आसपासमा समेत पानी जमेको छ ।
राप्ती सानो नदीको बाढी बस्तिमा पसेपछि स्थानीय भोसु चौधरी र बहादुर चौधरीको कच्ची घरमा क्षति पुगेको छ । बाटो किनारका केही घरहरुमा पानी पसेको छ ।
वडा नम्बर ७ को छोट्की सिसहनियाँमा दुईवटा घरमा पानी पसेको छ । नवीन चौधरी र श्याम सुवेदीले सञ्चालन गरेको किराना पसल भित्र पानी पस्दा सामानहरु भिजेका छन् ।
