काठमाण्डौ : समिट एयरको जहाज दुर्घटनाबाट जोगिएको छ। काठमाडौंबाट लुक्ला उडेको समिट एयर जहाजको एउटा इन्जिन फेल भएपछि पुनः काठमाण्डौमै फर्काएर सुरक्षित अवतरण गरिएको हो ।
काठमाण्डौबाट आइतबार बिहान ११ बजेर ४७ मिनेटमा एसएमए ४०७ उडान नम्बरको जहाज लुक्ला उडेको थियो । उडानकै क्रममा जहाजको बायाँ तर्फको इन्जिन फेल भएपछि जहाज काठमाण्डौ डाइभर्ट गरिएको थियो ।
१५ यात्रु र तीन चालक दलका सदस्य सवार जहाजलाई काठमाण्डौमा आपतकालीन अवतरण गराइएको विमानस्थल स्रोतले जनाएको छ । सो क्रममा विमानस्थल करिब १० मिनेट बन्द गरिएको थियो । विमानस्थल स्रोतका अनुसार विमानमा सवार सबै यात्रु र चालक दलका सदस्य सुरक्षित छन् ।
