कैलाली : कञ्चनपुर बन्चरो प्रहार गरी एक जनाले आफ्नै बुबाको हत्या गरेका छन् ।
जिल्लाको लालझाडी गाउँपालिका–२ कन्जका २२ वर्षीय रामविलास रानाले ४० वर्षीय बुबा ठग्गु रानाको हत्या गरेको जिल्ला प्रहरी कार्यालय कन्चनपुरले जनाएको छ ।
आइतबार राति करिब १० बजेतिर घरायसी विवादमा आफ्नै बुबामाथि बन्चरो प्रहार गरेको जिल्ला प्रहरी कार्यालयका प्रबक्ता डीएसपी चक्रबहादुर शाहीले जानकारी दिए ।
‘उनीहरुका बीचमा अंशसम्बन्धी विवाद रहेको बताउदै डीएसपी शाहीले रामविलासलाई रातिनै पक्राउ गरी घटना अनुसन्धानको कार्य अगाडी बढाएको जानकारी दिएका छन् । इलाका प्रहरी कार्यालय बेलौरीको टोलीले रामविलासलाई पक्राउ गरेको प्रहरी प्रवक्ता शाहीले बताए ।
