नेपालगञ्ज : भेरी अस्पतालमा उपचारारत रुकुम पश्चिमका एक पुरुषको कोरोना संक्रमणका कारण मृत्यु भएको छ । आठविसकोट नगरपालिका ६ रुकुम पश्चिमका ६५ बर्षीय पुरुषको सोमवार विहान मृत्यु भएको जिल्ला कोभिड व्यवस्थापन समिति बाँकेका कोरोना फोकल पर्सन तेज ओलीले जानकारी दिए ।
उनकाअनुसार माघ १५ गते भेरी अस्पतालमा कोरोना परीक्षण गराउँदा पोजिटिभ रिपोर्ट आएका ती पुरुषलाई १६ गते कोभिड वार्डमा भर्ना गरिएको थियो । कोभिडविरुद्धको कुनै पनि खोप नलगाएका कारण पनि उनको अवस्था झन गम्भिर भएको अस्पतालले बताएको छ ।
जिल्ला कोभिड व्यवस्थापन समिति बाँकेकाअनुसार अहिलेसम्म बाँकेमा उपचाररत बाहिरी जिल्लाका ४४१ जना कोरोना संक्रमितको मृत्यु भएको भने बँकेका ३४६ जनाको कोभिड संक्रमणका कारण मृत्यु भएको अस्पतालले जनाएको छ ।
