नेपालगञ्ज : नेपाली काँग्रेस बाँके संघीय निर्वाचन क्षेत्र नम्बर १ को सभापतिमा पोषण केसी निर्वाचित भएका छन् । मतपरिणाम अनुसार केसीले निकटतम प्रतिद्धन्द्धी माधवराम खत्रीलाई ४७ मतान्तरले हराएका हुन् ।
६०१ मतमा केसीले ३१६ र खत्रीले २६९ मत पाएका छन् । सचिवमा केसी प्यानलबाट खुमबहादुर बस्नेत र खत्री प्यानलबाट जयश्वर पौडेल तथा सहसचिवमा खत्री प्यानलबाट दिपेन्द्र उप्रेती र केसी प्यानलबाट रामबहादुर रावत निर्वाचित भएका छन् ।
क्षेत्रीय कार्यसमिति र महाधिवेशन प्रतिनिधि चुन्न बिहीवार भएको मतदानमा ६०१ मत खसेको थियो । ६०५ जना मतदाता मध्ये ४ जना अनुपस्थित रहेका थिए ।
