नेपालगञ्ज : नेपाल सरकारका युवा तथा खेलकुदमन्त्री महेश्वरजंग गहतराज (अथक) ले बाँके जिल्लालाई खेलकुदको क्षेत्रबाट नयाँ उचाईमा पुर्याउने बताएका छन ।
आइतबार बिहान नेकपा माओवादी केन्द्र नेपालगञ्ज उपमहानगरपालिका कमिटी र योङ कम्युनिस्ट लिग बाँके जिल्ला समितिले संयुक्तरुपमा नवनियुक्त मन्त्रीलाई गरेको सम्मान तथा शुभकामना कार्यक्रममा उनले यस्तो बताएका हुन् ।
उनले युवालाई स्वरोजगार बनाउने, खेलकुद क्षेत्रलाई टेवा पुर्याउने तथा स्काउट लगायतलाई चलायमान र क्रियाशिल बनाउने कार्यकालागि नितिगत र कानुनी रुपमा रही गर्न सक्ने जस्तो सुकै काम पनि आफुले गर्ने प्रतिबद्धता जनाए ।
