कञ्चनपुर : पुनर्वास नगरपालिका–४ आनन्दबजारबाट सशस्त्र प्रहरीले दुईजनालाई लागु औषधसहित नियन्त्रणमा लिएको छ । सशस्त्र प्रहरीको बोर्डर आउटपोष्ट आँपतालका सशस्त्र प्रहरी नायब निरीक्षक गंगादत्त बोगटीका अनुसार आइतबार बिहान पुनर्वास–५ का २६ वर्षीय नरेश खडका र २४ वर्षीय कृष्णा सार्कीलाई नियन्त्रणमा लिइएको छ ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
भारतबाट से ४ प ९६७८ नम्बरको मोटरसाइलमा चढेर आउँदै गरेका दुवै जनालाई चेकजाँच गर्ने क्रममा रातो हेल्मेटभित्र लुकाई राखेको अवस्थामा लागु औषध नेट्राभेटका ३० वटा फेला पारेको उनले बताए । पक्राउ परेका दुवै जनालाई बरामद लागुऔषध र मोटरसाइलसहित इलाका प्रहरी कार्यालय त्रिभुवनबस्तीमा बुझाइएको छ ।