नेपालगञ्ज : कोरोना संक्रमणबाट भेरी अस्पतालमा थप एकजनाको मृत्यु भएको छ । अस्पतालमा उपचारका क्रममा मधुवन नगरपालिका–१ का २८ वर्षीय पुरुषको मृत्यु भएको जिल्ला कोभिड–१९ संकट व्यवस्थापन केन्द्रले जनाएको छ ।
कोभिड संक्रमण पुष्टि भएपछि बिहीवार भेरी अस्पतालमा उपचारका लागि भर्ना भएका उनको राती ११ बजे मृत्यु भएको केन्द्रका फोकलपर्सन तेज ओलीले जानकारी दिए । योसँगै बाँकेमा अन्यत्रै जिल्लाबाट उपचारका लागि आएका ३६७ जना कोरोना संक्रमित बिरामीको मृत्यु भईसकेको छ ।
त्यस्तै हालसम्म जिल्लाका ३११ जनाको पनि संक्रमणकै कारण मृत्यु भएको छ । अहिले बाँकेमा संक्रमण करिब नियन्त्रणमा छ । जोखिम भने टरिनसकेकाले स्वास्थ्य मापदण्डको पालना गर्न चिकित्सकहरुले आग्रह गरेका छन् ।
