नेपालगञ्ज : बाँकेमा पछिल्लो २४ घण्टामा थप ३८ जनामा कोरोना भाइरस संक्रमण पुष्टि भएको छ । तीनवटा प्रयोगशालामा १९० नमुना परीक्षण गर्दा ३८ जनामा भाइरस संक्रमण पुष्टि भएको हो ।
भेरी अस्पतालमा १४९ नमुना परीक्षण गर्दा ३१, मेडिकल कलेजमा २८ नमुना परीक्षण गर्दा ४ र बागेश्वरी प्रयोगशालामा १३ नमुना परीक्षण गर्दा ३ जना गरी ३८ जनामा संक्रमण पुष्टि भएको जिल्ला कोभिड–१९ संकट व्यवस्थापन केन्द्र बाँकेले जनाएको छ ।
तीमध्ये बाँकेका ९ जना छन् । ८३ हजार ९ सय २४ नमुना परीक्षण भएको छ । त्यसमा १७ हजार ४ सय ३५ जनामा संक्रमण पोजेटिभ देखिएको छ । पछिल्लो २४ घण्टामा १५ जना डिस्चार्ज भएका छन् ।
अहिलेसम्म १७ हजार ८४ जना डिस्चार्ज भएको समितिले जनाएको छ । पछिलो २४ घण्टामा थप तीनजनाको मृत्यु भएको छ । ती सबै बाहिरी जिल्लाका हुन् ।
