नेपालगञ्ज : बाँकेमा कोरोना संक्रमणका कारण थप ४ जनाको मृत्यु भएको छ । नेपालगञ्ज मेडिकल कलेज कोहलपुरमा ३ जना र भेरी अस्पतालमा १ जनाको मृत्यु भएको छ । मृत्यु हुनेमा बर्दिया, दाङ, सल्यान र प्युठानका १÷१ जना छन् ।
जिल्ला कोभिड–१९ संकट व्यवस्थापन केन्द्र बाँकेका फोकल पर्सन तेज वलीका अनुसार नेपालगन्ज मेडिकल कलेज कोहलपुरमा उपचाररत ठकुरबाबा ९ बर्दियाका ६८ वर्षीय पुरुष, बागचौर ३ सल्यानका २७ वर्षीय पुरुष र लमही ४ दाङका २७ वर्षीय पुरुषको मृत्यु भएको छ । त्यस्तै भेरीमा उपचाररत प्युठान नगरपालिका ४ प्युठानकी ४७ वर्षीया महिलाको मृत्यु भएको छ ।
योसंगै कोरोनाबाट हालसम्म बाँकेमा उपचाररत बाहिरी जिल्लाका ३ सय ६ जना र बाँकेका २९६ जनाको मृत्यु भएको छ ।
