नेपालगञ्ज : बाँकेमा कोरोनाबाट मृत्यु हुनेको संख्या वृद्धि भइरहेको छ । बाँकेमा उपचाररत थप नौ जना कोरोना संक्रमितको मृत्यु भएको छ ।
भेरी अस्पतालमा उपचाररत कैलाली टिकापुर १ की ५१ बर्षीया महिलाको मृत्यु भएको कोरोना फोकल पर्सन तेज ओलीले जानकारी दिएका छन् ।
उनको बिहीवार बिहान १० बजे मृत्यु भएको हो । त्यस्तै बाँकेको नेपालगञ्ज ८ का ३३ बर्षीय पुरुषको नेपालगञ्ज मेडिकल कलेज कोहलपुरमा बिहीवार बिहान साढे १० बजे मृत्यु भएको ओलीले बताए ।
यसैगरी भेरी अस्पतालमा उपचाररत कैलाली लम्कीचुहा १ का ४३ बर्षीय पुरुषको मृत्यु भएको कोरोना फोकल पर्सन तेज ओलीले जानकारी दिएका छन् । उनको बिहीवार बिहान ७ बजेर ५० मिनेटमा मृत्यु भएको हो ।
त्यस्तै कोरोना फोकल पर्सन ओलीका अनुसार बाँकेस्थित खजुरा २ की ६७ बर्षीया महिलाको नेपालगन्ज मेडिकल कलेजमा उपचारका क्रममा बिहीवार बिहान ८ बजे मृत्यु भएको हो ।
यस्तै भेरी अस्पताल नेपालगञ्जमा उपचाररत नेपालगञ्ज ४ का ६० वर्षीय पुरुष, नेपालगञ्ज ५ का ५५ वर्षीय पुरुष, नेपालगञ्ज ९ का ४२ वर्षीय पुरुष र बढैयाताल ८ का ३२ वर्षीय पुरुष तथा नेपालगञ्ज मेडिकल कलेजमा उपचाररत कोहलपुर ११ की ४३ वर्षीय महिलाको मृत्यु भएको जिल्ला कोभिड–१९ संकट व्यवस्थापन केन्द्रका फोकल पर्सन तेज वलीले बताए ।
योसँगै बाँकेमा कोरोनाबाट मृत्यु हुनेको संख्या १०८ र बाहिरी जिल्लाका १११ पुगेको छ ।
