नेपालगञ्ज : बैशाख महिनाको शुरुवातबाटै कोराना हटस्पट बनेको बाँकेमा संक्रमितहरु निको हुने क्रम पनि बढेको छ । संक्रमित थपिने र मृत्यु हुने क्रम जारी रहेकै बेला ठूलो संख्यामा संक्रमितले कोरोना जितेर घर फर्किन थालेका छन् ।
बाँकेका कोरोना फोकल पर्सन तेज ओलीका अनुसार उच्च मनोबलका साथ कोरोनासंग लडेका १०६ जना कोरोना संक्रमणमुक्त हुँदै डिस्चार्ज भएका छन् । बाँकेका कोरोना फोकल पर्सन ओलीका अनुसार ५० महिला र ५६ पुरुष कोरोनामुक्त हुँदै डिस्चार्ज भएका हुन् ।
बाँकेमा कोरोनाको संक्रमण दर ह्वात्तै बढेसँगै यहाँ रहेका अधिकाशं आईसोलेशन केन्द्र तथा अस्पताल भरिभराउ भएका थिए । तर, मगंलवार मात्रै १०६ जनालाई संक्रमणमुक्त बनाई घर पठाउन पाउँदा निकै खुशी लागेको ओलीले बताए ।
